毛記的啟示（牛春）

毛記分獎典禮全城哄動，完美展現到政治娛樂化，抽水抽到上紅館不得不教人佩服得五體投地。不論雜誌、毛記電視，都極之出色。相信最為人熟悉定必是當中的勁曲金曲，由《中東與綜》到最近的《幾好相與》，改詞認真有水準，抽盡所有水，賣廣告亦見一班。分獎典禮座無虛席，筆者不感驚訝，因為毛記作品的確高質，成功將政治帶到娛樂之中。

將政治帶到娛樂的確令更多人接觸及認識政治議題，但─然後呢？

然後發現香港社會問題依舊存在，政治問題仍未解決，我認為這點比毛記的作品更可笑，「咁多人知咁多人睇咁多人明，但冇人去改冇人去變冇人抗爭？」在此絕非說毛記不是，我不認為毛記有錯，但香港人感動完笑完係咪就發洩完，就可以容忍、容許社會一直走歪？我想，毛記創作旨於令大眾關心政治，將其包裝讓讀者有興趣了解更多，繼而發掘背後問題及荒誕之處，但香港人是否笑過並就此止步，參加過分獎典禮，短暫逗留過烏托邦中就重新投入社會，忘卻一切重新開始?

雨傘革命(我強調是革命)，當中參與者(個別)的確做到守望相助、齊心協力、齊上齊落。我們是否應將心中烏托邦實踐而並非流於空想？希望各位欣賞過毛記創作，發洩後亦勿忘初衷，認真看待社會問題。牛春希望大家從毛記感受到社會的無稽，激發出抗爭的決心，並非睇完就算。

睇毛記唔係抗爭既一種亦無助香港改變，我講完了，多謝大家。

生活於呢個只有睇毛記先係正常少少嘅媒體，我覺得我好可悲。

作者：牛春（本文章由聚言時報授權提供）