business的圖片搜尋結果

(網上圖片)

有朋友做開IT,近幾年,好努力將marketing communication結合digital同intelligence的應用,開發出一套專門管理企業發展、品牌同活動策劃的B2B活動生態系統,它的功能由網上宣傳、註冊、付款、活動開始前的溫馨提示、參加者名單管理、到意見調查、活動管理資料等都包羅萬有,非常強勁。

而在後台的CRM system裡面,仲可以記錄底顧客同會員的資料,和過往的活動歷史,這些數據收集,方便企業進行分析,及訂立更精確、更中目標需要的loyalty program,所以,無論你係大企業想更有效地管理員工工作、物管公司想同各業主便利地溝通、食肆和零售商想用最快捷而又相對地low cost對mass market的客人一次過發放最新優惠、定商會想向會友發放最新活動資訊同商會最新動向,這類系統都啱用,只需要在後台做一些設定,就可以全digitalize完成消息發佈。

個問題係,產品已經有啦,點樣去打個market呢?

朋友有好多諗頭,透過multi-channel去做,例如去搵reseller幫手推,去各大參賽平台拿獎項提高知名度(當然自己都要有實力啦!),去不同組織及學術機構演講做親身介紹,在不同商會擔任公職以增強network,甚至獲邀擔任不同大型機構做評審工作,在努力建立個人品牌、搞好公司公關形象、和可以回饋貢獻社會的同時,亦可與潛在客戶群當面接觸互動,增加成功機會,真係一舉數得。

系統自推出市場後,已有不少商業機構和商會試用或經過pilot study,當中,有project-based的用戶,亦有一些商會機構開始採用朋友的系統,為期一年,作為external communication的工具,負責活動推廣、收新會員、活動報名和付款等功能,減輕了in-house不少行政上的壓力。

難得係,朋友除了工作之餘,閒時亦會吹吓saxophone,玩吓音樂;因為我之前都有玩吓夾吓band,所以除左工作上的交流之外,都仲有音樂上的交流,特別好傾。回想以前,tuner係外置,宜家,有部電話、有部pad,有咩音係調唔到、有咩music score係搵唔到,作歌、編曲,download個app,有幾個制就做到,易幾多呀!

科技應用結合一些有效的策略,能解決企業營運上的問題、滿足個人的不同需要(可能係社交、學習、買野、搵野等等目的),營銷就好大機會成功。美國有FAAMA,希望在香港,將來我這個朋友,都可以幹出一番大事業來吧!


 結合。策略。營銷