（網上圖片）
有人喜歡做培訓，有人喜歡做生意，仲有好多人喜歡做培訓生意，仲搵唔少呢。例如，認識一位前輩，在上世紀的八十年代，早已引入外國大學的MBA課程，在港澳台招生、上課，兼顧課程監察、內容撰寫同邀請外國學者來做教學，一做就已經差不多三十幾年啦！宜家，仲把課程內容多元化，發展成為包含領袖培訓、身心靈發展、學術證書課程、財經金融系等等在內的綜合培訓學院，更上一層樓呀！
平時，我都好喜歡培訓，無論係培訓人定被人培訓，只要是遇到對的人、有質素的對手、有反應的聽眾，果種有互動、有交流、有共鳴、有內涵的溝通過程，真係好過癮呀！寓學習於娛樂、寓娛樂於networking，仲一舉幾得添啦！
前幾個星期，朋友C由加拿大來到香港出差，我地在尖沙咀Sheraton邊食早餐邊吹水。食食吓野時我提到，朋友A狂叫我參加一個由幾個大陸trainers所搞的sales technique enhancement同motivation的工作坊，一連三日在酒店ballroom馬拉松式舉行，定價每位大概係六舊半定八舊左右啦，仲比左一大叠宣傳單張我。我隨手比左幾張朋友C睇，他就話，佢地幾個究竟係咩料？仲話，係北美好多呢D巡迴做培訓、教人投資房地產的所謂投資教學培訓師，其實都係以做培訓賺錢為主，making millions，根本都無咩投資過。
結論係，朋友C說，他很不喜歡培訓。講完，就一大舊三文魚連菜放入個口。
他認為，培訓師其實都不是成功的人。因為，成功的人，根本無時間同人分享。「自己唔做、或者自己做唔到但又叫其他人做的，那是trainer，因為trainer通常是do no, know no。但係，已經成功的人卻又叫其他人一齊做的，那是advocator，兩者差異好大呀！」
我一路食緊條雞肉腸，一路思索緊佢的意思。最後，我不置可否，因為，某程度上，他說的話又唔係錯呀！培訓師本身自己都未必是行業上最優秀的果個人，等於教得出美斯、費達拿同Lebron James的教練，都未必係球王一樣。但係，能夠motivate到其他人，不斷努力以赴，去追求更宏大目標的這種獨有能力，的確係非常殺食的！
