【食譜】海鮮迷必愛．鮮味十足！西班牙海鮮飯

話說呢……萬里FB尋親成功了後，最渴望見番兒時玩伴，其中一個表妹回香港探親，我可以同佢見面了。

或者我小時候好孤單，所以對兒時既玩伴無論感情同回憶都特別深。

人生如果要搵一世既朋友，我覺得表妹們都會被列入當中。

足足廿多年後……佢已經成為人母。每當好認真望住佢，其實佢同從前一樣樣，我對佢哋情懷都無變過。

廿多年後佢送比我既見面禮係不同食材，我如獲至寶嘅食材每一點一滴都不會想浪費呢！

其中一樣係saffron 番紅花，有番紅花當然要整西班牙海鮮飯 paella。

好奇怪！大少爺一向都唔太喜歡海鮮，但今次就食得好開心～

屋企只有西班牙黑毛豬火腿無西班牙香腸，所以都用住先。

其餘海鮮材料任意配搭，我唔鍾意食青口，所以就用花甲。

材料：

做法：

1. 用1小撮番紅花加 600ml熱雞湯浸到出顏色

2. 我用2小杯(嘜)西班牙米，加黑毛豬火腿粒炒

3. 再加了蒜片及洋蔥炒呀炒

4. 炒到咁上下就逐少落雞湯，雞湯份量其實無一定既

5. 要炒到個飯唔會硬及生米為止，但如果喜歡有意大利飯 Al dente感覺既話，可以自己見好就收呢～

6. 最後一轉落多啲水份

7. 加上海鮮同parsley蓋上蓋焗煮10-15分鐘就完成