【食譜】呃仔食菜系列：蔬菜雞蛋餅

臭包每餐都揀晒啲菜出來，即使切到幾細粒佢仍然可以揀出來。

包括所有植物類別，連粟米都唔食，我都唔知點解。

但佢呀媽都都唔係蠢，你有你唔食我唔逼你，但我會混入啲肉類中你揀都無得揀！

呢個蔬菜雞蛋餅有雞肉、紅蘿蔔、菜粒、洋蔥、少少椰菜粒粒、仲有雞蛋同麵粉。

做成一個個餅煎香，佢就食完仲話好想食！

總共食了4塊，我覺得自己對個仔好有毅力，你唔食我諗計諗到你食，每一日都如是.....

佢同以前做過雞肉餅唔同，因為加了雞蛋佢唔會太硬而且較香，那個臭包實在食得太多好野！

你要佢望落去吸引先可以呢，呢個雞餅因為有蛋做成金黃色，佢估唔到入面係乜。

好彩佢呀媽都唔弱，哼～

材料：

雞柳肉  3條 (先拍扁切細粒再剁爛)

菜粒、紅蘿蔔粒、洋蔥粒、椰菜粒切切切到細粒 (紅蘿蔔、椰菜粒、菜粒等最好先蒸一蒸，5-8分鐘)

雞蛋   1隻

麵粉  1湯匙

鹽　少許

做法：

1. 將雞肉剁爛後加入蔬菜粒

2. 加一隻雞蛋、麵粉同鹽撈勻，呢個時候會比較濕的是正常現象

3. 燒熱鑊及油後用湯匙「潷」雞肉料入鑊，煎成餅狀便完成