其他地方出事就我們都是乜乜乜，銅鑼灣書店呢？（陳假）

圖片來源：香港電台新聞

銅鑼灣書店以出售中共禁書見稱，當中包括《天津大爆炸內幕》、《習近平和元老巔峰之戰》等書藉， 近日書店有5名 股東/員工係內地或國外接連失踪，其實媒體早係15年11月已開始報道：

http://www.bbc.com/zhongwen/trad/china/2015/11/151111_hongkong_publishing_disappearance
//其中一名職員李先生對BBC說：「我懷疑他們全部都被拘留。四人同時失蹤。」//

http://hk.apple.nextmedia.com/international/art/20151107/19363470
//海外博訊網指，疑桂在泰國被北京有關人員押回中國//
//桂民海是「聯合作家出版社」的董事；曾出版《中共高官夫人秘聞》、《上海幫的女人們》等書籍//

不過事件一直無被香港大眾所關注，直到前幾日最後一位股東「李波」被失踪事件暴光至開始有人留意此事。

http://hk.apple.nextmedia.com/news/first/20160102/19436390

對於李波被失踪事件，以前只會諗到係極權地方發生，係傳媒報道中，其妻稱李波俾人呃咗去柴灣一個貨倉，然後收到李生從深圳打電話嚟稱「正協助調查」，懷疑已被大陸公安押走，當時李生連回鄉證都無，成件事根本係擄拐偷運，而唔係乜野「執法」。

可惜事件被報道後，我係面書都只係見到一遍繁榮景像，洗緊版嘅仲係吃飲玩樂 happy new year，做乜李旺陽被自殺就成班人走出嚟遊行嗌「我們都是李旺陽」，巴黎被襲就成班人換晒頭像叫 “je suis Paris"，到香港人出咗事就咁冷淡呢？

係咪驚俾人笑陰謀論上腦？大佬，同一間書店有5個人失踪仲點陰謀論呀？仲話係陰謀論嘅真係屎忽生上腦。

定係香港人真係驚表態後會激嬲共產黨而影響到自己？係14年嘅時候，香港唔係有好多人諗住要守護香港咩？當時大家都勇於表態支持抗命，唔通大家仲係覺得真係要守護香港係唔會激嬲？依家大家有眼見中共覺得有人講野唔啱聽就走落香港擄走人，唔係仲諗住只係689政權玩野，中共未必咁諗呀？唔該大家面對現實，我地要守護香港就一定無得驚會激嬲共產黨。

中共直接干預香港言論自由同人身安全，今次捉嘅係書店員工，下次可以係記者，相信都唔洗再多解釋言論自由有幾重要，如果大家唔想香港變成好似大陸同北韓咁嘅極權地方，唔該大家再攞返當日有嘅勇氣出嚟，起碼要將事件宣揚開去，引起社會關注。再抱住「各家自掃門前雪」嘅陋習，以為樣樣野都事不關己，香港只會徹底淪陷。自己香港係要自己救，唔係真係諗住香港班黑警會上去救人呀？

作者：陳假（本文章由聚言時報授權提供）