若無心計手段，反共只是笑話！（邪榮公子）

香港地，人家用少許心計、掩眼法，加啲江湖技掚、法律知識，俾少少耐性，你班友仔就當人絕世高手 ……

可見你班港蛙，已經失去哂以往香港人的求生技能。迫黑警做嘢呢啲連，古惑仔都識。香港人被圈養了太耐，少與卑鄙惡毒之人交手，冇哂江湖常識，連基本千術、電話騙局也防不了，所以見回了廿年前的「社交」手段，就嘖嘖稱奇了？

其實都好難怪大家，九七後各社團被中共收編，黑白政商兩度都靠中共搵錢，一條大水喉射住，競爭減少。

白嘅再不需要食人公司，分拆賤賣；黑嘅就連爭地盤收陀地、睇場都買少見少，齊齊背靠匪國，有錢大家搵，不分忠奸人。

十多年前出去蒲，「群揪私片」司空見慣，爆樽劈友也不是新奇事；出去溝索女又要驚食著大佬的情人、個妹或者個女，唔死都被人打一身；埋大枱單又要諗計唔被人走數；朋友都要揀個冇咁多襯家的，以免傷及池魚……

依家巿面就一片大愛和諧，歌舞昇平，人人肥肥白白等劏，千、騙、體、治術通通弱化，仲話要同共產黨鬥？點鬥？鬥小學雞乎？

而平時喊著別人離地上太空的本土抗爭者，自己連該等江湖手段也不知曉，又是否五十步笑百步，離地得很？

要戰勝卑鄙的人，要比他們更卑鄙；要抵消被人抹的黑，要比他們抹的更黑！這可不是說說而已。

江湖險惡，你地慢慢入世學下嘢啦，「妖僧淫尼決戰蛇蠍大狀 」呢個故事可以係一個入學教材嚟。

吖……乜你哋唔係好鍾意睇啲乜春宮心計、步步驚心呀，仲有宮廷韓劇嘅咩？咁都冇學到嘢？ 阿彌陀佛，善哉善哉。

作者：邪榮公子（本文章由聚言時報授權提供）