昌發其實幾年前食過兩三次,記得當年感覺唔錯,船麵湯底好夠味,今晚就趁睇戲前再回味下。

飲品既芒果沙冰幾大杯,但飲落太甜又芒果味比較弱。

豬肉船河送上,再睇個湯係夠深色既,但一飲就只有怪怪既鹹味兼冇咩鮮味。

丸只是普通貨色,豬肉及內臟都冇特別。

算啦希望河粉可以好d,食落唔算滑又感覺粗糙,令人想直接放棄成碗野。

豬肉生菜包一樣不太好,同樣有死鹹既情況,豬肉都似一早煮定所以唔夠熱兼太乾。

木瓜沙律算係比較正常,因為木瓜絲食落冇問題又唔使店家煮任何野,只要撈好就上檯。

九龍城有太多其他泰國菜館可以㨂,呢度跌watt跌成咁,真係冇機會再回頭。



昌發泰國粉麵屋

地址:九龍城城南道25-27號地下

Tel : 2382 5998


 跌watt示範 : 昌發泰國粉麵屋

 https://www.facebook.com/blackholemini