【深圳一日遊】靠北揾食 (2)

朋友仔帶我深圳一日遊，行程都好豐富去做臉又按摩。

一早從羅湖過關，先在關口玉桂園食早餐。

第一樣黎豆漿油炸鬼賣8元人仔，一睇個樣中伏，個油炸鬼似牛脷酥多啲～

鮮蝦腸，味道唔錯，但蝦小。

右上角芋頭糕同左下角粉皮都是細細碟，因為是特價2蚊一碟味道都唔錯。

馬拉糕、魚腩粥、蒸排骨、鮮蝦韭菜餃。

呢一餐140元人仔，嗯.....好貴，因為晚餐都是在這裡食價錢差都不多。
跟住就去旺角商場做臉，包手臘、線臉、倒膜、修眉都是60元。

做完臉就食個麵，菜米13元，牛肉米16元。

行無幾遠有個商場好多野食。

口渴買杯飲品高山綠茶8蚊中杯裝，都好多款式，仲有奶蓋，不過食左麵下次有機會先試。

出到門口見有片皮鴨現包10盒有5件，咁平買左盒試下，佢先用鴨肉沾小許醬放在麵皮上加條京蔥、青瓜捲埋，10蚊野味道麻麻好咸有點粉，嘻～下次唔使試。

之後係廣益子做按摩，做完又再玉桂園食晚餐。

燒腩仔同炸金針菇都是特價每碟19元。

小炒王就58元好惹味。

唔記得乜魚，嘻～兩食一個是炒球，一個是魚骨滾白腐白菜湯都只是68元，呢一餐只是160元真係好抵。

而家係羅湖搭火車要24元，276巴士要9.2，兩者加埋好貴我就建議去福田口岸過關，朋友仔就順便買隻雞，我因為口渴喺果蓋買左杯奶蓋飲，又比較一下。

店員介紹限定特飲26元一杯加埋件覆盆子蛋糕就37.5，圖片裏士多啤梨佔好多，芝士奶蓋唔多食，但我杯飲品就.....

個蛋糕少少酸都可以，但特飲份量唔多，佢啲士多啤梨係用果醬開的，而且個芝士奶蓋好稀，唔掂，到目前為止都是喜茶奶蓋好飲啲。

咁又結束一日遊，下次有機會又去！