靠北揾食(6)上 騰訊

昨天是一個冒險日子，單獨1個人去一個從來都未去過地方南山朗山路的騰訊用戶接待中心，為的是要辦好微信支付。

最接近南山的關口是在西部通道，好在上B1是下大雨，到目的地前收了雨，否則這個孤單行程又添一絲落寞。

出發前跟朋友仔打探了坐M299到松枰村下車直行轉右就可以。

之前揾資料有個 "嘿老外" 視頻介紹很多美食(據說那些外國人是在騰訊工作)，一下車就見到熟悉店鋪個心就踏實，我一定來對地方，誰知找了很久都找不到我要的地方。

有點肚餓，見這小店乾淨企理老板娘個子不高勤快地準備中，幫襯左個清熱排骨湯及炸雲吞一個14蚊人仔。

坐低順便開google搜尋一下位置，但發現我正在目標中，奇怪？？？  

後來發現是朋友仔點我過左一個站下車，我往回走見到佢提及過的建築物之後很順利找到騰訊用戶接待中心。

我到達時剛好是午飯時間(休息)，保安員叫我坐低等，無耐只好等.........之後搞一輪都要成個鐘，離開時都好晏。

從朗山中路上M299到海岸城吃點東西，從共車站一上即見尼間商場，入大堂見電梯左手邊有間燒烤店。

我到達時間是15點20分，店鋪工作服務業員都食飯去，剩下三位叔叔亞收姨留守及清潔，亞姨招待我坐下及送上餐具開爐，並叫我慢慢食，食完先付費(這裏是比左錢先食)。

因為是48蚊一位，所以我就無壓力要食很多才回本，每樣都試少少已經飽了，可能是平價肉類，所以無乜肉味，醃料唔係好重手，食完仲唔會好口渴。

我拿了燒汁及辣椒粉，燒汁甜甜地幾好味唔係杰身果種，所以啲肉唔會沾太多調味，辣味粉做乾碟，它比較辣但肉無乜味加些辣好味好多。

肉類都有很多種，豬肉、五花肉、豬頸肉、羊肉、肥牛、雞肉、鴨肉、鴨胸肉、火腿、秋刀魚、魷魚、雞珍、雞腎、小魚。

菜一定唔會少得韭菜、茄子，重有生菜、金針菜、洋蔥、豆腐、五香豆乾，腸仔，鮮菇，小蝦、青椒、薯仔。

炸的食物及其他熟食都有很多款你揀。

生果不會切成薄片，絕對是誠意之作。

重有雪糕機你想食幾多自己吱，奶味當然不及360重，但不會淡而無味都唔錯。

有果汁你揀 ，不過有點似藥水味。

啤酒就好苦，我當然飲番汽水。

還有啫哩提供，不過唔好味。

裝修都很有誠意。

食完這餐去左洗腳下回再繼續～