【設計專屬自己的用具】個人化卡通精品Personali-Station

還記得早前去玩具“反”斗城聖誕 MEGA CHRISTMAS時，小小豬就己經自己設計左一隻杯，不過佢嘅多目標就當然唔止依個，佢極度期望可以整一個THOMAS門牌。見出開尖沙咀，所以就同佢整返一個，滿足一下佢啦~

由今日開始至2017年1月底，玩具“反”斗城於尖沙咀旗艦店內將設立全新概念店「Personali-Station」，小朋友可以自己選購心儀產品及挑選卡通圖案，做出唔同個人化卡通精品~

只需要簡單三步曲，就可以整到屬於自己嘅製成品啦。

可以DIY嘅種類都好多，有杯、筆筒、鏡、匙扣、水壺等，我個人覺得個價錢都尚算合理。

睇下啲實物參考下先~

原本打算係整塊STAR WAR鏡，不過小小豬堅持要整個門牌，所以都聽佢講啦。

  其實整個過程都好簡單，職員哥哥係旁邊一步步咁教。佢嘅選擇又真係幾多，大至公仔圖案，再到框框款式都可以自己揀～

最後再輸入英文名字就完成。

小小豬設計好之後，就到職員哥哥負責做後期工作。原來設計就容易，後期工作都幾多步驟，哥哥都好細心咁慢慢整小小豬完成。

大約等左20分鐘，小小豬設計嘅門牌就完成，佢一拎上手都不知幾興奮，仲不停講話要點貼，真係俾佢笑死。不過我都明白佢心情，期待咁耐終於可以擁有，佢特別興奮呀！

More Information :
Website：http://www.toysrus.com.hk
Facebook： http://www.facebook.com/toysrushongkong