【食譜】來自日本的食材：銀杏栗子冬菇蝦乾飯

昨日早上6am先回家，睡了個多小時包包就醒了，然後就叫醒我問：巴士、巴士，送了部車仔比佢後，佢攬住部車仔邊睡邊呢喃：瞓醒玩巴士。

大少爺就帶佢出廳玩，免得我無得休息，但最後我都10am就醒了，醒後當然無休息呢回事。

覆番啲email、寫下稿、出blog，仲要去追稿費（好憎好憎做呢樣野），又煮包包午餐，下午等包午睡就休息一陣再煮晚餐。

其實我大可以出街食，但我離家幾日最放心不下或者最內疚係無得煮比兩父子，所以昨晚無論如何都堅持要煮。

買了不同材料回香港，第一晚就煮銀杏栗子冬菇蝦乾飯。

日本銀杏較圓及大粒質感亦都比較實淨，400yen一盒可以分兩次。
今次去上野先買得到，佢有一袋多份量既就700yen，唔敢買太大包因為唔適宜放太耐

做法：

1. 栗子剝殼後先烚10分鐘，否則煮完個飯佢都會硬

2. 蝦干浸水，新鮮冬菇切片

3. 銀杏剝殼切半去芯

4. 將所有材料放晒入飯煲，加米及水，水既份量同平常一樣，按飯煲熟後煲5-10分鐘便可以

呢個飯係帶有張勁鮮甜味，好好味呢！