【食譜】肉碎粉絲蒸水蛋

依排多左嘗試煮新餸，希望可以多啲變化可以等小小豬食得開心啲，咁就可以快啲快高長大(唉...…都唔明佢食極都仲係咁「矮得得」)。

上網見有朋友仔分享肉碎粉絲蒸水蛋，有小小豬鐘意嘅粉絲，仲有雞蛋嘅營養，而且最重要係超簡單，我就緊係跟住煮俾小小豬食啦～

一個簡單又營養有嘅餸就只需要依四樣材料：

雞蛋 4隻、粉絲 1束、免治豬肉 約$10、清湯細包裝1盒。

做法：

1. 粉絲浸水至軟身，瀝乾剪碎備用。

2. 打發雞蛋，然後加入1盒清雞湯。

 3. 在蛋液中加入免治豬肉。

4. 再加入粉絲拌勻。

5. 倒在蒸碟上，然後蓋上保鮮紙。

6. 鑊內加入水，待水滾後蒸12-15分鐘，直至雞蛋及豬肉熟透。

7. 最後灑上少少蔥粒，就可以食得啦。

8啖啖嘅肉碎、粉絲同埋蛋，口感都算唔錯呀。

哈哈哈...…又一個小小豬喜歡嘅餸，見佢一啖啖咁食，食得咁歡暢，等我再煮多啲先得！