【食譜】好味有益零食之選！鹽焗秋葵

秋葵係一個好有益嘅食物，我自己都曾經係街外食過一次，始終覺得佢個滑潺潺嘅感覺唔多鍾意。

尋日上網見到有依個鹽焗秋葵食譜，用焗嘅方法可能會減少滑潺潺感覺， 所以就買一盒你試下啦。

係吉之島沖繩節入面見到紫色嘅秋葵，店見姐姐話入口比綠色嘅會甜啲啲，再加上我又對沖繩有一個情意結，所以就買一包試下啦～

做法：

1. 秋葵先洗淨抺乾，然後切去頭部及尾部。

2. 後用廚紙印乾秋葵，盡量減少秋葵身上的水份。

3. 將少少油、鹽及黑椒加入秋葵。

4. 拌勻之後就醃15分鐘。

5. 然後放入光波爐，以低架以200度焗20分鐘。

話咁快就食得啦。

脆卜卜真係好好味，我一個人邊打文邊食，轉眼就已經KO晒啦。

依個整法真係令我對秋葵有所改觀，唔再係滑潺潺，依家脆卜卜就好似食緊薯片咁，真係要買多啲放係屋企，口痕痕時整嚟食，好過食薯片呀！