聖誕森林球親子工作坊@MEGA BOX

參加左聖誕森林球親子工作坊，合我地兩母子之力，整左個靚靚聖誕森林球裝飾~

MegaBox今年嘅聖誕佈置我都真係好鐘意，因為有我鐘意嘅薑餅人嘛，所以我一早就已經帶左小小豬去影相啦(按此重溫)！

今次我地參加嘅聖誕森林球親子工作坊，其實就係整一個玻璃吊飾，入面放啲小植物同小擺設做成一個小型的聖誕樹佈置~

之前見過好姊妹糖糖都有整過，嗰時都好有興趣去玩埋一份，不過想想吓就冇左下文。所以今次得到MegaBox邀請，真係亳不考慮就答應參加呀~

活動上有老師及一眾助教同我地講解整嘅步驟，完全唔洗驚做唔到呀~

將小植物放入玻璃吊飾依個任務就由我負責，小小豬就負責加啲泥土放好啦。雖然看似係簡單工作，不過小小豬都好專心去完成呀~

助教姐姐行過嚟時，小小豬仲主動問姐姐佢整得靚唔靚添~

最後將啲有顏色嘅泥士做最後嘅佈置~

我地嘅製成品，我自覺就真係整好靚。聽埋老師教我地嘅處理方法，小小豬已經表示佢會負責每三天沐水呀~

上次嚟因為夜關係，所以冇玩刑AR虛疑實境配合體感技術嘅互動遊戲，今次終於都有機會可以一試啦~

小小豬掛住數嗰啲星星，唔識得去拍，最後我忍唔住要出手幫幫佢啦~

最後影張靚相，仲可以即時等幾分鐘就可以拎返屋企啦~

嘩...MegaBox除左邀靖我地嚟整左個靚靚聖誕森林球之外，仲好細心咁為小小豬準備左自家名嘅薑餅人，非常感謝MegaBox咁愛錫依個百厭豬呀~

其實MegaBox成日都會舉辦唔同種類嘅親子活動，大家有興趣的話記得要留意住MegaBox 嘅Facebook，咁就有最新消息，話唔定下次可以一齊去玩呀！