試食：Honey Creme x Bailey’s

經早前路經銅鑼灣Honey Creme買左一杯蜂巢雪糕初嘗之後，估唔到咁快又有機會去試食Honey Creme其他雪糕，今次係應邀試食佢地與Bailey's合作推出嘅限定版雪糕~

本身我自己就唔多飲酒，真係可以話唔多識分別好與壞，剛好今日大肥豬又放假，所以我地送左小小豬返學之後，兩口子就拍拖去食雪糕啦~

與Bailey's合作嘅限定版甜品有兩款~

首先是Bailey's濃縮咖啡提拉米蘇雪榚，其實係首先係杯底放上兩塊手指餅，然後再加上牛奶雪糕~

然後分別加上Bailey's及即沖濃縮咖啡~

最後就加上咖啡粉，及杏仁脆片，咁就可以食啦~

有咖啡又有酒，依兩個都係大肥豬喜愛的，當然就交由佢試食啦！由於大肥豬之前係未食過Honey Creme雪糕，所以佢第一個讚嘅就係個牛奶雪糕，佢話有好香嘅牛奶味，同埋個雪糕係軟棉棉，味道唔錯。

配埋Bailey's及咖啡個味道又如何？大肥豬話初頭幾口都唔太食得出有酒及咖啡味，不過慢慢吃落之後，就開始感受到個變化，因為越食到底時就越能感受到個酒香，尤其食到個手指餅時，手指餅已經吸收了大量酒及咖啡，所以特別好食，仲感覺好有新鮮感呀！

唔係太好酒嘅我，就當然係簡單啲食Bailey's原味脆杏仁片雪榚。依款就係雪榚淋上Bailey's，再配上香烤脆脆杏仁片而成~

依款就看似簡單啲，但其實好輕易就食得出Bailey's嘅酒香味(亦都可能係我唔太好酒，所以對酒特別敏感啦...哈哈哈)。同大肥豬試食嘅Bailey's濃縮咖啡提拉米蘇雪榚一樣，初時都係比較淡，不過真係可以話越嗒越有味，越食到底個酒味就越香濃，又真係唔錯哦！

可能啲雪糕係用新鮮牛奶及鮮奶油所製，所以同之前食蜂巢雪糕一樣，啲雪糕溶得好快，所以我地兩個都加快口咁食，希望係溶之前KO佢呀！

由於依兩款係秋冬限定產品，供應至12月31日，所以如果有朋友仔想試一試，咁就快啲趁聖誕假期去食一轉啦！

More information：
Website：http://honeycreme-icecream.com/hk.html
Facebook：https://www.facebook.com/pages/Honey-Creme-Hong-Kong/718832091505706

MY FACEBOOK~ https://www.facebook.com/kinseymama



MY E-MAIL~ YANYAN_HINGHING@YAHOO.COM.HK

Kathy Wong@myblogs.asia