自家製親子丼！

要好快寫好，我今晚出街，但包包旅行完勁痴身，所以要快快寫完陪佢。

每日諗BB餐真係唔易，我一直想整親子丼，但係親子丼要落好多醬油、糖、味醂，整比個仔食就要減減減。

我盡力做到似原味，但原來都可以。

日式飯好多時帶甜品，小朋友最喜歡，所以我都照加糖，有時唔可以乜調味都無的～

混入椰菜絲同小小洋蔥，用來對付唔食菜小朋友。

材料：

雞柳   切粒，加少許鹽同生粉撈勻

雞蛋   1隻

椰菜絲、洋蔥絲隨意

汁料：

生抽或醬油   1/4茶匙

糖      1/2茶匙至1茶匙

鹽     少許

水     半碗

做法：

1. 將汁料撈勻煮滾加入雞肉。

2. 放入菜絲及洋蔥。

3. 煮滾後試味，因為雞肉有用鹽，所以咸味通常會夠，如果覺得可以甜少少似原著，可以加多少少糖。

4. 味道ok後將雞蛋輕輕打勻，倒入雞肉面，轉小火蓋上鑊蓋焗煮1-2分鐘。

因為小朋友食，蛋黃要全熟！done！