【食譜】肉環

仍然係新年，祝各位萬事如意、身體健康。
其實呢個係我過年前想整既菜式，不過我病到九彩，所以趕不及過年前整，但我要整既就一定要整好為止。
呢個個底部係有長豆，面層係豬肉及一粒鹹蛋黃，原本我想用蝦膠或者墨魚膠去整，但後來覺得用豬肉可能效果都會好，結果個效果真係唔錯。

個長豆夾埋豬肉一齊食多了一層爽口，如果比小朋友食可以唔加鹹蛋黃。當佢以為只係肉，實際上有埋菜，咁佢就會有如天邊一片雲，吃了都不知啦～

總之呢個我勁推介，因為好得大少爺歡心呢！

做法：

買啲長豆，呢隻好似叫肉豆，好似係……除非……唔係。

1. 先灼一灼佢，感覺少許軟身便可以，然後浸冰水令佢保持翠綠。

2. 然後打個結先，再將頭尾屈埋入去，做成一個結。

3. 上面放豬肉，豬肉碎先用鹽、生粉、麻油撈勻，攪至少放起膠便可以，醃料唔使太多。

4. 用一隻或兩隻鹹蛋黃切成粒粒再加上豬肉面，蒸佢15-20分鐘便done，易做呢！～