韓式親子紫菜飯班

我地兩母子又齊齊去玩了，咪就係應邀出席KC Korea舉行嘅韓式親子紫菜飯班。真心覺得依排少左同小小豬一齊嚟親子廚房，所以知道有依個活動時，當然第一時間答應參加啦~

一嚟到KC Korea，為食嘅小小豬就俾MACARON吸引住，見佢咁想食，就俾佢試少少啦~

其實我之前到嚟過一次EVENT試食過，食入口唔會太甜，真係幾好味，唔怪得小小豬都鐘意食啦！

不過始終都係有蛋白成份，小小豬都只可以食一粒，其他就等我食埋啦~

食完小點，依隻豬仔又開始攪攪陣，對啲公仔好有興趣咁哦~

係我地玩緊嘅時候，大會負責人就好忙碌地為我地準備上課材料啦~

好啦...一切準備好，我地就開始上堂，今次就由KC Korea嘅韓國老闆CANDY教我地整正宗韓式紫菜飯。CANDY真係好細心，知道各位參加者係小朋友，所以佢好慢慢咁教我地整，仲係整嘅時候教我地韓文(當然....我已經即場交返晒俾CANDY啦)~

為食嘅小小豬仲即場舉手要試食添~

睇完CANDY示範，小小豬已經急不及待要開始整啦~

睇佢初時整都幾有板有眼哦~

但一到卷卷部分，佢就有黠疑惑，依個時候當然就到我出手啦~

小小豬仲話要整兩條，打算拎返屋企俾DADDY食呀~

哈哈哈...依隻為食豬仲話要原條即食，真係俾佢笑C呀~

最後我當然唔俾佢咁做啦，切開細細舊咁，食得斯文啲嘛~

其實今日我地整嘅韓式紫菜飯都幾靚呀~

今日除左嚟整紫菜飯之外，大會仲為我地準備左小禮物。一聽到有禮物小小豬都不知幾開心，仲搶住去幫我簽名。不過....好似係啱我用多啲哦...呵呵呵~

最後依隻豬仔見在場好多哥哥食緊紫菜，佢又偷偷地拎左一塊嚟食，真係為食得佢呀！見佢食得咁開心，就放縱佢一陣啦~

估唔到KC Korea除左係搵美容之外，都有舉辨依啲親子班，等我地可以嚟學整嘢食之外，同朋友仔聚下，開開心心又過左一個周末天。

希望佢地嚟緊再舉辨多啲親子活動，等我同小小豬又再可以上嚟攪攪陣啦！