初嘗LEGO CLASS

非常感謝The Genius Workshop邀請，小小豬有一個新嘗試，就係去參加LEGO CLASS，學習去利用啲LEGO砌一個小風車呀~

其實之前我都想帶小小豬嚟學砌LEGO，因為佢地唔係只係砌咁簡單，會係砌LEGO嘅過程中，訓練小朋友鍛鍊小手指及面對複雜嘅創作，最重要就係可以教導小朋友嘅技巧。

不過一向小小豬都比較少玩LEGO，加上面對啲複雜砌法佢都一定有點不合作態度，所以就算我想都唔敢亂嚟。今次應邀嚟試堂我當然係非常樂意，因為可以俾小小豬試一試嘛~

上課堂嘅地方都好大，環境都好舒服，啲LEGO都好有系統咁擺放好呀~

另外仲有一間小房間，應該就係俾年紀較小嘅小朋友上課用呀~

哈哈哈...依個小小豬開頭都話好驚，又話好擔心，不過老師一見佢入課室上堂，佢就一支箭咁入左去啦~

上堂時語言全程都係英文，好在小小豬依方面問題都唔大，總算佢可以聽得明又識講，仲識得同老師互動，我都放下心頭大石啦！

課堂首先係由老師教小小豬認識各種LEGO嘅形態，原來LEGO都唔係一件簡單玩具，因為單係一支橫塊都有好多唔同種類，老師都好耐心咁教小小豬分辨呀~

有左初步認識，就會回到電腦桌，利用電腦圖解，一步步砌出個製成品。今日小小豬負責係砌一個風車，看似好易但其實整個過程係需要將磚頭、軸、滑輪等正確並穩固地砌好，都好花功夫呀~

每做一個步驟，老師都會好細心咁教小小豬睇圖分別LEGO種類，同時又會教點砌呀~

整個過程都係睇個圖然後去拎相關LEGO，之後就回位砌，小小豬都不知幾ENJOY，真係好少見佢咁認真地去玩呀~

從小小豬發自內心笑容就知佢有上堂有幾開心啦~

係老師協助下，完成埋最後一個步驟~

小小豬砌嘅風車終於完成啦~

傻豬仔仲即場示範俾我地睇佢個風車有幾利害呀~

睇返個實物，原來都真係幾複雜，都真係冇諗過小小豬可以開開心心咁完成呀(平日見到啲複雜嘢，佢都一定SAY NO先，冇諗過佢會咁"順攤"去完成呀)~

哈哈哈...見小小豬砌得咁投入，一個愛豬好命嘅DADDY係個仔上緊堂時就已經睇定啲LEGO，買返屋企俾個仔玩啦~

其實今日小小豬表現真係比我預期中好，我地全程都係開放式課堂門口睇住，都見佢又真係好有耐性又專心，真係同平時係屋企玩嘅係兩個人呀...哈哈哈！

小小豬係離開課堂時，仲不停問我地幾時再嚟，幾時可以再可以同老師一齊砌過LEGO，走時仲不停話好鐘意老師，真係俾佢笑C呀！

不過我地係門外睇見，老師又真係唔錯，好有耐性之餘，又會細心咁慢慢教，最重要就係會不停同小小豬互動，唔怪得小小豬咁鐘意佢啦！