【自家製】特色芝士火腿扒多士

本人一向為食，但當偶然懶得勞師動眾去煮嘅情況下，有時會用屋企現有的食物來個大什會，發揮創意組合美食，以下分享是為其一道簡單而好味嘅”懶人小食”。  

特色芝士火腿扒多士(唔好當佢係芝腿治喎)

材料：

去邊方包一塊， 火腿 一塊，車打芝士一片， 蛋汁， 牛油， XO醬

做法：

1. 在方包兩面搽上牛油，再在向上那邊搽上XO醬。

2. 在上面鋪上火腿，跟住係芝士，最後喺車打芝上面及方包四邊搽上蛋汁。

3. 放入焗爐以150度火焗大約十分鐘， 直至芝士微溶轉金黄啡色即成。

呢個多士雖然係臨場創作，但過癮在於中西合壁，有多士嘅香脆，XO醬嘅惹味，火腿嘅咬口，芝士嘅濃香，一次過在口中爆發出嚟，真係幾好味!!

製作咁簡單，大家不妨自己動手做嚟試吓吖!!