未轉季先買衫　又嚟親子裝

哈哈哈...依家啲天氣都仍然係時冷時熱金亦都係因為咁，我又可以借啲藉口去買衫。當然我都係主力買親子裝，短短依兩個星期我都入手左唔少啦~

首先就係今日新鮮熱辣辣入手嘅兩套母子裝，其實係今日約左朋友出銅鑼灣小聚時，行過路邊小攤見到有啲卡通TEE，見到有我愛嘅小金同埋近期好HIT嘅熊本熊，加上又唔算好貴，當然忍唔到手買兩套啦！

真係好少見到有小金嘅衫，仲要係親子裝，即刻唔洗諗啦~

仲有可愛嘅熊本熊~

另外近其入手嘅親子裝仲有LINE系列~

我之前都買過一套LINE嘅母子裝，不過嗰一套就係淘寶買嘅。但原來嗰一套淘寶貨係台灣正貨嚟，因為朋友仔去台灣旅遊時，見到好多LINE衫，所以即時WHATAPP我揀款，就係咁依五件衫仔就搭飛機嚟到我屋企啦(其實最應該係要感謝朋友仔去元都有掛住我呀)~

有我同小小豬嘅母子裝~

最後當然唔少得我地三口子嘅家庭裝啦~

哈哈哈...件件親子裝都好靚，件件都好鐘意呀！點解咁少三口子裝？因為小小豬爸爸話佢都已經好多套親子裝，多到著唔晒咁話，所以叫我買母子裝就夠啦！

計計下我都有成十多套親子裝，依個夏天真係可以日日親子裝去街街！不過趁小小豬依家仲肯同我著就著多啲(係呀...佢知道同我一樣衫佢都會好開心呀)，到佢再大過啲嘅時候，想同佢親子裝去街佢都唔肯啦！