【食譜】日式豆腐

終於有幾日感覺係休息，可以隨心做自己想做。

當然呢種情況下可以食自己想食。近來開始唔想食太多肉類，反而成日想食豆腐。

仲要係想食日式豆腐，但一直未買七味粉，終於買埋就整。

呢個豆腐外皮脆裡面豆廚滑。

佢易整但都要睇下肯唔肯去炸，我就為求一己私慾點都炸下啦。

炸食物其實係練廚藝一種，你要炸到佢唔油、但又要脆的確唔係容易～

呢個豆腐咁靚仔一睇就知我修練成功啦！但點都好應該唔會咁快再炸第二次呢。

佢除了用七味粉外，可以用鰹魚汁去配一樣好好食的，哼。

材料：

硬豆腐    1-2件

麵粉       小半碗

雞蛋     1隻

片粟粉   小半碗

做法：

１將豆腐用隻碟盛起，然後面層放上重物一小時，將豆腐水份壓出後索乾水份

２索乾水後就切件，切成小四方粒再沾上麵粉

３沾完麵粉後就沾上蛋液

４最後沾上片粟粉就可以炸，用油溫要夠熱去炸便可以

５炸好後可以加七味粉或鰹魚汁便完成