【食譜】養生藥膳！准山乳鴿鬆

近來keep住睇中醫，中醫要我戒晒所有寒涼食物。

就算生果都唔能夠食太多，所以食物要溫補為主。

我頓時覺得晴天霹靂，不單止要同凍檸茶說再見，我最喜歡豆奶類、生果都有限制，甚至牛扒也要全熟時的確令我有唔知點好。

不過都要面對現實，就睇多啲食材資料。

昨日好友提我可以整淮山乳鴿飯，但我又唔係好識點整又未食過。

反而整呢個准山乳鴿鬆，用乳鴿肉炒淮山，淮山可以健脾，而乳鴿可以為病後體虛作出幫助又平和。

加上我同包包都喜歡食乳鴿呢個剛剛好，再加松子仁、蒜粒、薑、蔥粒去整實在又香又有益呢！

材料：

乳鴿     一隻 

五香粉及鹽少許

豬肉碎    1/4碗 (由於一隻乳鴿肉有限所以我另加少許豬肉粒)

鮮淮山    1/4條(切粒)

蒜粒     1湯匙

蔥白粒    1湯匙

松子仁    隨意

調味：

生抽    少許

酒      少許

糖      1茶匙

做法：

1. 乳鴿先去頸去尾、再一開二清理內臟然後洗淨抹乾水，加少許鹽同五香粉醃

2. 乳鴿煎香起肉切粒備用

3. 鮮淮山粒蒸20分鐘備用

4. 豬肉碎用少少生抽、糖、生粉、麻油撈勻

5. 一切準備好就先爆香薑、蔥、蒜粒、再落豬肉兜勻

6. 加入乳鴿及淮山粒，松子仁兜勻

7. 加少許生抽、糖兜勻再贊酒，兜到乾身就可以上碟

8. 一切準備好就先爆香薑、蔥、蒜粒、再落豬肉兜勻

9. 加入乳鴿及淮山粒，松子仁兜勻

10. 加少許生抽、糖兜勻再贊酒，兜到乾身就可以上碟