【食譜】腐腐得正？腐乳脆肉

我好鍾意食腐乳，但大少爺好怕。

佢覺得腐乳同藍芝士係friend所以唔鍾意，咁我一向都似會就佢口味所以做腐乳菜式少之又少。

但呢個腐乳脆肉一直都好想整，覺得佢應該會好食。

於是有一晚就的起心肝去整，好彩……大少爺覺得好好食。

整出來無想像中咸或濃味，所以佢接受得到。

而我覺得醃耐啲入味啲更加好。

人要面對自己唔喜歡嘅事真係唔容量易，但每件事都會有一個妥協空間。

我妥協唔整太濃味、大少爺妥協去一試 ，咁就開開心心食一餐啦啦啦。

材料：

腐乳   4粒-5粒

蒜頭  2粒切碎(唔好太細粒，因為煎之前要撥走否則好易焦黑)

糖   1茶匙

生抽   1茶匙

酒   2茶匙

做法太容易！

1. 將以上撈勻做成醬

2. 放腩肉上去，唔一定腩肉

3. 用豬扒或排骨都可以，我就用薄腩肉去皮

4. 煎之前撥走蒜粒，再撲上生粉

5. 熱鑊熱油去煎，初初用中火煎，煎到最後就轉大火逼出油做份就會乾身同脆