間屋住左廿幾年,收收埋埋好多野唔捨得掉,攪到間屋塞滿晒野,終於自己都忍唔住展開掉垃圾行動,文件過濾後碎左掉,唔著衫又掉,歷時左3個月,進度有點慢,只有廚房最有效果,起碼飯煲都掉左兩個,清空左好多空間,哈~

喺個櫃度摷咗份菜乾出嚟, 本來就個腦諗住煲豬踭,點知發緊夢口就講話要豬展返到屋企先醒起,算啦照煲~啲菜乾鞋姐,個湯無咁滑姐。

秋天, 煲啲金銀菜乾滋潤下,又可以清熱除煩,對腸胃又有益。

材料:

菜乾三兩,大白菜半斤,豬展一個,蜜棗兩粒,南北行3湯匙,陳皮一個

做法:

把所有材料洗淨,陳皮浸軟去囊;豬展用滾汆燙後,陳皮放入煲內加入煮至滾起後,把所有材料(除白菜外)一齊放入煲內煮至滾後30分鐘,轉中小煲2個小時,中途把白菜加入即可用鹽調味


 【食譜】金銀菜煲豬展