【食譜】明太子蟹肉忌廉意粉

火本身我午餐只會食藜麥，但今日好想食意粉，整意粉包包又食得。

於是我就煮一扎意粉分兩份，一份包包食、一份我食。

我自己就整明太子蟹肉忌廉意粉，呢個係晌某一間台式cafe我常叫。

老實講我好鍾意食anchovy、明太子、梅香鹹魚呢類咸過死海又帶點鮮味食物，哈。

久唔久就買明太子返屋企食，但大少爺見到成條魚春咁就歧視我呢。

解肉邊度來？我買了一大pack日本皇帝蟹腳，一pack$200唔使但都幾多。

帶有鮮味，但係...........啲肉得少少咁。

做法：

1. 先煮定意粉過冷河

2. 然後就用 1:1:1 淡忌廉、鮮奶、雞湯（我一人份量用 所有都係用50ml）

3. 先用半湯匙麵粉炒一炒啲蟹肉，然後就加入淡忌廉、奶、雞湯煮滾、直到開始杰身

4. 放意粉入去兜勻

5. 最後放一半份量明太子(半條)去撈勻個意粉

6. 另一半就放上意粉上，明太子唔能夠煮太耐，即使撈意粉都只可以熄火去撈呢