【食譜】韓式翡翠螺

今個星期拼命趕返一星期要做嘅工作，好快就過了七日。

好快到八月，然後好快包包又返學，感覺都好刺激。

今日個食譜我好鍾意，係韓式翡翠螺。

翡翠螺晌一田買，價錢居然平過其他超市，而且味道不錯。但我唔係就咁食，係用韓式做法。

除了韓國辣醬外、仲有少少魚露、同埋蘋果蓉做出來味道辣中帶點甜味。

不過……大少爺唔爺得辣又唔食螺，平日我好少整佢唔食嘅食物。

今日整因為……我今朝發夢夢見佢去滾呀，個夢中仲要唔答我任何說話，我咪晌現實中折磨佢，等佢有得睇無得食囉！

一田賣$50一pack，每pack有半打咁上下。

材料：

翡翠螺  12隻

韓國辣醬   1.5湯匙

魚露   `1茶匙

蘋果   半個

蒜頭   2粒

大蔥  半條

做法：

1. 將翡翠螺金蟬脫殼後備用

2. 蘋果同蒜頭磨蓉，然後混埋所有醬料 

3. 加埋大蔥同螺入去撈撈撈，放雪櫃兩小時以上就得喇