【甜品食譜】夏日凍冰冰！楓糖乳酪士多啤梨雪條

呢幾日七國咁亂，最亂係又要執行李，一執仲要執3個人行李，一邊執臭包一邊去攪攪震。

不過我相信旅程係美好，今次我唔係搭飛機係坐郵輪。

一切都新奇刺激，而且目的地係去我一直都想去，但又唔會的起心肝去嘅地方。

一向夏天我都唔去旅行，今次由一個熱地方去另一熱地方，希望我唔會發癲啦。

晌熱同熱之間就放個凍食譜晌個blog，感覺涼快啲。

大家要等我返來寫「郵記」啊！

言歸正轉，呢個係楓糖乳酪士多啤梨雪條，晌咁熱天氣小朋友喜愛雪糕雪條係正常，但雪條好多色素，自己整真係全天然呢！

材料：

士多啤梨   180g(可用其他生果)

純乳酪    140g(一杯)

楓糖漿或蜜糖    2湯匙

雪櫃   1個

做法：

1. 將士多啤梨或各生果打成汁

2. 加入乳酪、糖漿輕手攪勻

3. 放入雪條模中，放入冰格雪至變雪條(你記得唔好自己都走入去避暑)