大家成日都話愛情嘅付出唔應該好似用秤計住咁斤斤計較，但事實係由一方不斷付出嘅關係並唔健康，即使你唔計較付出，都唔代表你嘅愛情可以修成正果。所以唔好覺得愛情只要付出就會成功，要睇清楚對方愛唔愛自己，或者知道問題所在後，一齊溝通同解決。
留意以下5個特徵，如果中晒嘅話就要好好諗吓同對方嘅關係喇！
1. 佢講咩你都會照做
唔係咩都順佢意、聽晒佢話先係好嘅伴侶。要諗佢嘅要求係咪合理，會唔會咩都挑剔你一餐，如果係嘅話即使你點樣改變，佢都唔會有滿意嘅一日。
2. 總係你揾佢先
愛情嘅付出係雙向嘅，如果你係愛你嘅，就會記掛住你，唔會永遠都係你揾佢先。
3. 只有你記得紀念日
假如佢係重視呢段關係，就唔會將對大家都咁重要嘅日子置諸腦後，甚至毫不在意。
4. 佢唔會喺社交網站寫有關你嘅事
咁做會唔會代表佢根本無肯定你嘅地位呢？如果佢喺朋友面前都拒絕承認你哋嘅關係，就要特別留意！
5. 你約佢出街，佢總會話自己好忙
一段關係無可能單方面付出就擺埋一邊就會發展得好，如果佢連少少時間都唔肯為你付出，你就要諗吓佢係咪有心同你發展落去，定只係迴避你嘅藉口。
（圖片來源：pinterest、tumblr）
