當你終於有機會同心儀對象約會，當然要諗盡辦法喺對方心目中留個好印象！除咗衣著、化妝之外，仲要注意啲咩呢？
根據外國網站調查嘅結果發現，男人喺初次約會中會留意你5件小事，喺細節上判定你到底係咪值得追求嘅女仔。唔想失手就一定要注意！
1. 眼睛
眼睛係一個人嘅靈魂之窗，所以同對方交流嘅時候眼神唔好閃縮，反而應該大方咁直視對方微笑，散發自信嘅光芒。
2. 指甲
雖然你自己未必會注意細小嘅指甲，但對第一次約會嘅對象嚟講，指甲就係觀察你注唔注重整潔同儀表嘅重要一點！無論係有污垢，定係咬過嘅痕跡，都係唔好㗎！
3. 頭髮
頭髮對整體造型嚟講到底有幾重要，相信唔使特別講大家都明白。不論係髮型、顏色、氣味、光澤都反映住你嘅個性。
4. 衣服款式
第一次約會嘅時候千奇唔好著恤衫牛仔褲，咁樣會令人覺得你求其馬虎，一啲女人味都無。此外，亦盡量唔好揀質料太粗糙或者皺晒嘅衫，否則會令你嘅形象大打折扣。
5. 對侍應嘅態度
除咗外表之外，個性都同樣重要。所以第一次約會嘅時候你要特別注意自己嘅言行，保持友善同禮貌、態度大方先可以吸引住對方！
（圖片來源：tumblr）
