無論係而家無拍拖，想揾一個理想對象；定係已經同另一半好穩定發展緊，甚至想拉埋天窗，相信每個女仔心目中都對未來老公有唔同嘅期望，當中有啲係一定要做，有啲係天馬行空，有啲係突然出現喺腦海嘅情景等。
如果怕醜唔敢直接講出自己希望對方會做嘅事，唔緊要嘅，一於share呢篇文畀佢睇啦！行到結婚呢步，相信男士們最想嘅就係令另一半快樂。
1. 言語同行為上都經常流露出對自己嘅愛意
試問有邊個女人唔鍾意甜言蜜語？即使性格幾內斂都好，女人都希望對方會將愛意講出口，當然最重要係出自真心啦。
2. 親口徵求自己父母嘅許可
雖然咁聽落係好old school，但結婚係一個重要嘅承諾，亦需要雙方父母嘅同意。如果男朋友可以親口問女方嘅父母，話希望佢哋放心交個囡畀佢，聽到呢度相信好多女仔都會好感動。
3. 平衡雙方嘅收入
即使愛情係講心，但到實際一齊生活，金都係不可或缺嘅。好好傾吓婚後點樣計劃雙方嘅財政支出，係負責任嘅男人嘅表現。咁就唔單止情感上可以畀到安全感伴侶，連金錢上都可以。
4. 給予自己好多空間
即使係結咗婚，但都唔代表兩個人要時刻形影不離。雙方仍然應該適當地尋找自我嘅空間，好似去見吓唔同嘅朋友咁。愛唔代表要鎖住對方喺自己身邊，最重要嘅係兩個人都有同一個目的地—共同建立嘅家。
5. 同自己好好享受性愛
除咗精神上嘅滿足，對夫妻嚟講肉體滿足都同樣咁重要，為嘅唔止係傳宗接代，彼此完全結合喺一齊嘅感覺係世界上任何一樣嘢都唔可以比擬！所以唔好因為工作忙、攰就無視對方嘅性需要，性愛都係維繫雙方關係好重要嘅一環！
6. 樂意聽自己又多又煩嘅怨言
女人天生就好敏感同情緒化，有小小事都好容易亂咁諗，但如果唔講嘅話，就唯有自己吞咗佢。所以做得自己老公嘅，即使自己講嘅嘢幾咁唔理性同瑣碎，都應該樂意同自己分擔，唔會嫌麻煩。
7. 接受女人一樽二樽嘅化妝同護膚品
愛打扮嘅女人閒閒地都有10枝唇膏、20枝指甲油，的確一個嘴、兩隻手都搽唔晒。但女為悅己者容，扮靚啲好大程度上都係想你睇到自己最好嘅一面啫！
8. 話我知我一啲都唔肥
女人最鍾意問另一半嘅問題，頭三位一定有「我肥唔肥？」。識做嘅男士就應該話比對方知唔介意對方嘅體重，好好安撫佢嘅不安。
9. 令我放心喺睇戲嘅時候喊
即使係一個非常獨立同堅強嘅女人，都一定會有脆弱嘅一面。身為理想嘅另一半，就應該畀到對方可以依賴同軟弱嘅安全感，就算睇戲喊到鼻涕出埋嚟都唔怕畀你見到！
10. 講出你嘅意見
愛一個人就會愛對方嘅全部，無論係思想、內心、立場、咩嘢會激嬲對方、點樣會令佢開心等都會想知道。所以未來老公唔好收埋自己，打開自己嘅心，分享自己嘅生活大小事啦！
11. 訂一個定期去拍拖嘅日子
就算係喺埋一齊幾耐、工作有幾忙都好，大家都唔可以因為咁就偷懶，要為對方準備小小嘅驚喜，定期揾一日好好約會，唔好令雙方有厭倦、無晒火花嘅感覺。
12. 未來奶奶鍾意自己
唔係希望自己同奶奶感情好到情同姊妹，一齊行街買衫食飯，但至少都希望另一半嘅媽媽會鍾意自己多過男友以前啲ex。因為婆媳糾紛真係好麻煩㗎，係就算有愛都未必解決到嘅世紀大難題。
13. 彼此扶持成長
就算幾愛對方都好，都唔好逼到對方窒息，畀大家空間、無條件咁支持另一半嘅關係先會細水長流。
14. 令自己絕對放心
兒家網上交友平台咁發達，要出軌嘅話真係話都無咁易。要禁制對方係一件無可能嘅事，最重要嘅未來老公係有咩事都講出嚟，交代自己嘅行蹤，呢種令對方絕對安心嘅男人先嫁得過！
15. 令自己感到被愛
要同對方走一輩子，愛係最重要嘅部份。如果想一直都甜甜蜜蜜，就唔好懶，唔好吝嗇，一定要表達自己嘅愛意！愛唔止係花言巧語，而係流淌喺生活每一個細節間，只要有付出，對方就會感覺得到！
（圖片來源：tumblr）
