【湯水】抗衰老！靈芝雪蓮子百合瘦肉湯

當你見到靈芝、雪蓮子、百合、瘦肉時，你估我想整乜？

而且用呢幾款材料做出來既食物又有乜功效呢？

相信一睇到就知道係煲湯啦！入秋梗係要湯水補下啦！

再加埋靈芝，有著抗衰老、抗氧化功效、保身體同皮膚同時照顧得到！

我第一次用靈芝煲湯，味道帶微甘及鮮甜味

飲完又補身又對皮膚好，諗起都開心！

材料：

靈芝片  6g

雪蓮子   2湯匙

鮮百合   2個

瘦肉     200g

做法：

1. 雪蓮子浸水6小時

2. 靈芝片先沖洗及浸至略為軟身

3.將瘦肉汆水備用

4. 煲滾 1500ml水放入靈芝片及其他材料以慢火煲2小時然後下少許鹽調味