補腎飲品原來好易整！1日飲兩杯可烏髮、養血、去暗啞

話說早兩日唔覺意睇到蘋果日報介紹黑豆茶。

裡面寫：黑豆滋補肝腎及補血，多吃可以減少白頭髮增長，令頭髮烏黑。

另外黑豆有養肝腎作用，可以去黃去暗啞，常吃有美白皮膚攻效。

此外，黑豆還滋陰養血，健脾利水，達到去水腫的功效。

以上功效我全部都要，近年好多白頭髮，本身我頭髮好烏黑，結果啲白髮就完全更加呈現，所以我要烏黑頭髮！

去黃去暗啞呢樣就唔使講一定想要；去水腫幾時都需要；仲有補腎，只要補腎頭髮就會甩少啲，白頭髮又少啲。

最重重重要係佢易整！只需要炒定啲豆，用兩湯匙放入焗杯焗佢15分鐘以上便可以。

補腎最佳時候 5pm-7pm，大家都可以一齊試～

做法：

1. 黑豆買返來沖水沖乾淨。

2. 用白鑊炒至個皮裂開少少。

3. 每次用2-3湯即配大約4-5ooml水，就可以有兩杯飲。

一杯空肚食早餐前飲、一杯5pm-7pm飲。