藍絲比張德江一巴巴車落去有乜感覺？（毛言地）

張德江嚟香港之後，網上面大概出現兩種人：一種Ｘ到佢飛起，一種想Ｘ但又唔Ｘ得。Ｘ佢嘅原因好簡單：阻返工、阻交通、阻住地球轉，同早排藍絲Ｘ瞓街嘅理由一樣。只係今次出力Ｘ「廢張」嘅居然唔係Ｘ開「廢＿」嘅老屎忽藍絲，因為佢地自知唔可以Ｘ，一Ｘ就即係違背自己主子，違背自己所謂嘅米飯班主，同時同自Ｘ冇分別，所以今鋪佢地點比人串比人笑都只可以死忍。只不過張德江明顯冇諗過依班走狗嘅感覺，不斷用唔同方法去一巴又一巴咁車落藍絲塊面。如果要我數張德江最大貢獻，我諗藍絲腫到豬頭個樣就係佢最大功績。
　　
正如我頭先咁講，藍絲最著重就係「正常生活」，只要你做任何事會阻到佢行街搭車返工佢就會話你係「廢＿」，理得你做緊嘅嘢有幾重要。張德江人未到水馬先到，灣仔變左做香港最大戶外迷宮，住果頭嘅出唔到去，返工喺果頭又入唔到。對住班後生果陣藍絲都仲可以持住自己夠老Ｘ人廢青冇貢獻阻住哂，但眼見自己口中「最重要客戶」派咗條友嚟阻住自己生活，Ｘ嘅等於否定哂之前講嘅一切，唔Ｘ又比人笑到面黃好似而家咁，結果乜都做唔到任人魚肉，依下係第一巴。
　　
張德江一落機就重提沙士一事，完全無視自己決定錯誤而失去嘅299條香港人命。藍絲成日講話全靠中國香港先可以點點點，到早前有人提番佢地全靠中國香港先可以死299人佢地又扮聽唔到，希望冇人傳開嘅話件事過兩日冇人講。好啦，而家殺人兇手自己都提番件事出嚟，要全香港都記住佢曾經殺死左299個香港人，一直想幫主子隱瞞嘅藍絲又比主子車多一巴。
　　
張生今次訪港，保安範圍同人數都係最多。藍絲成日同人講要分清莊閒，堅信共產黨萬歲，中共會好好對香港人。結果主子嘅人原來冇重視過你，唔單止冇睇下你生意做成點，直頭生意都唔比你做，連見都唔比你班閒雜人見佢一面。對中共嚟講藍絲就係一班用完即棄嘅垃圾，比甜頭你係要你為佢做事而唔係為你打算，甚至等養肥你之後就劏你嚟食。望住自己為主人仆心仆命，到最後連見主人一面去打飛機嘅機會都冇，依一巴都應該幾痛，不過我睇得好爽。
　　
嚟咗一日就已經打咁多嘢，我諗嚟緊依兩日仲有排班藍絲嘆。希望你班老屎忽面皮夠厚啦，萬一你頂唔順就咁暴斃咗，我包花生又未食哂，咁就浪費啦係咪先？

作者：毛言地（本文章由聚言時報授權提供）