警察故事(二)文：（饒靜慈）

那句「要唔要我call班阿哥嚟清咗個場佢？」，令我想起去年十月初旺角黑社會清場一事。頓時，我不想說半句話。

「我有個老差骨同事講得好好，警察唔係用嚟解決政治問題，總之如果有人犯法，我哋就要拉人，但宜家有樣好唔好，就係啲伙計太多個人情緒。

上年有晚黃洋達向李飛示威，攞住個大聲公講咗幾句，就畀個白衫話行為不檢，我真係唔明白。我哋係警察，有執法權，呢種公權力要好小心運用，唔係就係濫權，好似阻差辦公同行為不檢，要用得好小心。又或者好似清場咁，係要最低度嘅武力，如果唔係，都係濫權。有時候唔好話你，我都唔明啲阿頭點諗嘢，清場駛咩禁制令，真係好反智。」CP說得有點激動，語氣好像帶點不滿。

我點燃了手那支薄萬，便直接問了他是黃是藍的問題。「我果間館，成間都係深藍呀，至少出聲同話得事果啲都係，啲whatsapp group寫埋啲嘢都唔理智，唔通我單挑成間館咩？」CP說完，再喝了杯啤酒。

臨走時他R了我一飛煙，吞雲吐霧間說：「唔只社會分藍黃，連屋企都分藍黃。有個深藍嘅伙記個仔係黃絲，叫老豆唔好做警察。呢家個社會撕裂的好嚴重，我都好無奈，自己都冇辦法。我果時入force，雖然係貪佢份糧及福利，但係唔係想做呢啲嘢。」

「阿慈，有好警察，有壞警察，如果同你講個個警察都係好人、有良知嘅，係呃你。」

(完)

作者：饒靜慈（本文章由聚言時報授權提供）