唱歌定賣肉？樂壇教曉你推廣創作的例子（傲將軍）

樂壇教曉大家好多在香港搞創作、及其推廣的事：

1）Twins教曉大家，紅得起，唔關聲色藝事。
2）胡琳教曉大家，聲色藝幾好都可以紅唔起。

==>Take away 1：
受歡迎與能力冇必然關係。

3）歌手連詩雅教曉大家，唱歌本業唔掂，外貌可以搭救。
4）衛蘭泳兒教曉大家，本業唱歌好，外表不合觀眾口味都難以在圈中長期有好發展。

==>Take away 2：
看皮相，這就是市場。話之你掛羊頭賣狗肉，Don’t argue with success.

5）FFx教曉大家，最緊要有Noise！冇實力？都叫紅過。
6）天堂鳥教曉大家，最緊要有Noise！有唱歌實力的話，可以持續有好發展。

==>Take away 3：
有Noise是成功第一步，product本身強，先真係Convert到Sustanable Sales。

7）黃秋生演戲受歡迎，但係好多人唔知佢唱歌。

==>Take away 4：
一方面成功，並唔代表帶動到大眾會留意product另一方面。

8）方大同薛凱琪、周杰倫蔡依琳教曉大家，行埋的時候合作特別多，搞作特別用心，反之亦然。
9）眾多填詞人、歌手、音樂人之間，同電台電視有親戚朋友關係而多曝光。

==>Take away 5：
人事最重要，識人好過識字，冇講錯的。

10）Mani、Paco、黎明教曉大家，做經理人在身旁呼風喚雨，爽過做歌手，隨時想換馬就換馬。
11）回頭看，幾多過氣歌星名大於實，但就是有觀眾緣，話之你樂評人唔欣賞。

==>Take away 6：
所謂流行文化，產業而已，講運、講整體Package，內容、實力本身其實不太緊要，生意角度來看，就沒那麼多包袱。

以上只係講樂壇搞推廣表面一浸所得，背後私心動機、底裡的有甚麼Agenda，就不贅了。由此觀之，其他「創作圈」的「怪事」都好易解釋，再也見慣不怪。

作者：傲將軍（本文章由聚言時報授權提供）