反正片段早已鋪天蓋地，亦好多人睇左Live，此處不贅咩野好唔好睇喇。
成個分獎流流長，點解淨係講佢兩個？因為我係佢地到睇到由上而下既香港，香港既薪火相傳。
方健儀，根據維基，「1999年畢業於香港中文大學新聞與傳播學院後加入香港電台中文新聞部任職記者。方健儀於2004年赴及英國伯明罕大學修讀國際關係碩士課程，畢業後一度為聯合國總部工作；返港後加入無綫新聞任高級記者，主要採訪重點新聞、治安、交通及衛生方面的新聞。」一個飽讀詩書、好正義、經驗豐富既前記者主播，去左一個言論係大眾輿論中屬「極右法西斯既反政府反社會廢青搞既垃圾網媒」既分獎典禮。
河國榮，一個追星既澳洲廢青，追張國榮追到做佢司機；再拎單程証係1987年來港流離顛沛做條無根草，膽粗粗係香港過近三十個年頭。咁既廢青(進化左廢中啦)，最岩生活安安定定，「拚經濟，保民生」；然而同樣地，都去左一個言論係大眾輿論中屬「極右法西斯既反政府反社會廢青搞既垃圾網媒」既分獎典禮。
兩個毫無交疊既平行線，係同一個好多「社會上既成功人士」都唔知佢搞咩既分獎典禮得獎﹑多謝shell﹑唱改詞、試底線、抽大水、發偉論；香港呢個局，「銅記五子」後咁做，都要好有信心先敢企到出去 (對公眾人物係啲無關香港痛癢既事上，我係比較左膠)。
身經百戰既記者主播，從大台新聞台柱，轉到係一間「臭名昭著成日煽動民粹」既網媒拎獎，公開人物來講方小姐絕對係搵命博，值得欣賞；而除左河生多次多謝港人同唱《香港地》之外，MC都從河生得到「香港區最受歡迎男歌星」既說辭入面，肯定左佢既身份 (「我地冇亞太區既獎項……但係佢係真香港人！」
1:51:50-1:53:00)。呢個係對公民民族主義(Civic nationalism)行動上既一大加持，大大力既植入式廣告，係大眾眼下摒棄左舊有「黃皮膚黑頭髮」既桎梏，算係份港人都分到既「禮」。冇人會期望睇完個show會反共會獨立會歸英etc(你講我都唔信啦)，但正如傳媒既功用，或者縮細到只講一百毛呢個獨立個體，的的確確藉住一啲既有新聞，以曲線形式表達，將發生既真相告知，令港人底線拉低，增加抗爭人數，盡量減少不必要既抗爭阻力同成本 (不得不否認我父係經好多100毛既資訊，由星島轉左睇Youtube唔同網媒既節目)。
最後，必須好左膠地說：「羅馬非一日建成。」唯有引頸以待，靜待契機，樂觀其有所成。多謝100毛今晚既鬚。
PS毛記分獎禮以外行為不予置評
PPS 重要立場上有分歧的話，往後割蓆乃必然
作者：末事（本文章由聚言時報授權提供）
分獎禮上的方健儀與河國榮（末事）
https://www.facebook.com/GaldenPolymer/timeline
