香港人，終要真打一次，唔好靠人！（larrylo）

素見本報不少文章，都講述本民前上上星期日部份成員踢拖短褲，和上星期日黃台仰到警總參與示威，投訴黑警暴力審犯。有人看錯了Ray Wong，有人則說本土派沒有分裂本錢，更有人直言本報，不群不黨，乃本土派輿論平台。小編曾經參與數次光復行動、悼念楊光，甚至落街站替人試鉛水，更不時 follow 所謂本土派嘅意見領袖。有見以上討論激烈，更涉及行動文宣嘅角色輕重問題，就由小編嘗試逐一回應，希望讀者可以鍛煉身心，為自己嘅家園務實求變。

對於 Ray Wong 一事，黃毓民已經喺昨晚嘅《毓民踩場》中講咗：要為自己言行承擔責任。想知佢點解星期日出來，佢係唔係變節，還看《素人起義》再繼續剖析話句。反正，跟隨一眾曾經跟警察通報，隨時篤走幾位義士嘅社運人士，已經係一種錯誤。剖析話句，就係聽佢有冇其他解釋。

我更想提出嘅係：抗爭、暴動、革命，從來都係眾人之事，唔係單靠幾粒精英出來行事，絕對唔係靠一兩個魅力明星上位，然後俾大家無限消費。香港人一直陷入食屎邊緣，都係因為我哋太懶，平凡鍾意依賴人哋。人地做到嘢，或講到一啲好中嘅嘢，就上位成功，然後大家一齊講「A生好嘢，多謝A生」。香港自開埠以來，經歷英治，再被匯點輿論，主權移交，全都係因為過度崇拜學者和專業人士，自己則疏於打理自己家事國事天下事。而七、八十年代，一眾公眾知識份子，高舉平權和理性思潮，再推出一大堆偽命題嘅學術研究去尸位素餐，香港人竟無反抗意識，實為可悲，不知不覺間放下低智乖張嗁墮落種子。昔日嘅種子如今滋長成叢，極其嚴重。好多人講一兩句常識，就俾人捧上天，奉承幾句就自己完事，一啲實際行動、準備都唔做。即使過去嘅 928，十一衝擊，都源於大家俾學生光環、鎮壓內心嘅憤怒，不敢直接騎劫，任由差人 Pretexting 設局停火。到了光復行動後，不少網友只收聽幾位意見領袖之言，不去多閱書本和新聞去增進視野。勿論大家相信城邦、或是解殖獨立，香港人要贏一次之前，必先戒除練精學懶，凡事不求人，除非自己真係「唔得」先不恥下問。

凡事不求人外，更要為自己行動，組織正名。《論語》之中。子曰：「名不正，則言不順；言不順則事不成」。「本土派」三個字，從來都係主流媒體或左翼社運人士對支持本土思想、香港人優先嘅標籤用語。直接講，就係左翼人士嘅一廂情願。小編觀乎不少人嘅Facebook Status，都分享唔少主流媒體嘅新聞文章或社會評論。而且，時間日久，就自然接受他人嘅用語，懶於訴說自己行動嘅目的。隨行動後，接受電台開咪訪問，都會因為行動單調，而被定性。外面80%嘅人，大多係「勝利球迷」，只會話人踢行李暴力，唔會理會點解踢行李，或你等本土派點解咁激進。所以，每次行動後，應為自己解畫，為自己行動，組織正名。即使有網媒訪問，內容難免因情境緊湊而有所添減。肯主動講出來，行動上有錯失就盡快道歉，最少俾更多人知道事情嘅本相，永遠都係好事。

雖然，我哋讀者都會明白乜嘢叫做「勇武抗爭」，但出面嘅人唔係咁諗，而且佢哋以為眼見嘅就係真理，隨便批評。例如《左右開鋒》Ch.25 Part 1 ，黃之鋒眾主持指出本土派行動唔可以次次都衝，怕俾人拉幾次，行動自然走向溫和。我深信佢哋已經犯上（Fallacy of Affirming the Consequent），膠刀費事俾，應叫佢哋上一課If A then B。唔衝就係溫和？「勇武抗爭」嘅核心就係 listen to your heart，依照直覺或本能去折服其他人，唔係喪跑鳩衝咁簡單。如果以一個華夏嘅角度去概論，就係《香港的命運》作家–墳總，經常提倡既王陽明《心學四訓》- 知行合一。「只見其表，不見其實」嘅思想惡習，要戒，唔好由得去。怕，就好盡快問當事人，唔好估。

不過，單於勇於表達意思，熱烈討論香港人嘅未來，又真係可唔可以改變「香港人的未來」呢？本報收了不少比賽文章，都指出香港人要直接行動一次，但唔多人敢講點樣準備。大家礙於自己，唔想俾差人搞，因為「不誠實做用電腦」而坐監。你只要裝個VPN，間中轉Server位置或用埋 TOR 上網就可以匿名。縱使係咁，多次討論鍵戰和行動嘅角色輕重，確實浪費大家唔少寶貴時間去清談，唔去準備另一波抗爭。大家你一言我一語，如果討論實際行動，定義香港人嘅文化本位，甚至革命路線，固然可喜，但如果最後都去到非黑即白，非自治、華夏或歸英不可，就教人陷入討論迴圈，淪為思想統戰嘅中學生辯論。觀乎烏克蘭嘅革命，和 928 、光復等，我哋唔單止要兼聽則明，多讀書，更要習武，操練身心，將你心中嘅政治理念打出來。

就算你真係唔鐘意打交，俾人打你都識還拖，傷少啲。

小編到元朗光復，親眼見盡一位素人突然俾兩位黑道襲擊，驚呆數秒，咀上流血先還拖數拳。如果，我哋敢於操練，勤力習武，就可以見招拆招，唔打得都可以盡快跑。反正抗爭一事，瞬息萬變，十八秒後，又係一條好漢。日後擺街站、示威、將會面對更多衝突打鬥，學識基本拳擊，已經係基本入場劵。不過，加上對抗街頭圍毆，是但手執一樣武器都可以保護自己以及其他義士。素聞 吳十三 會喺十月尾十一月搞seminar，希望大家留意，踴躍參加。

香港現正存亡之秋，Facebook只會繼續維穩，加強群眾嘅 Stereotyping。唔好成日依賴人，戒除思想惡習，減少清談，出街講自己嘅政治理念，鼓勵習武，先係我哋素人應該要做嘅事。唔好再繼續消費某幾位社運明星或意見領袖，因為民主、制度、主權，係行使正義，捍衛文化信仰嘅力量，唔係唾手可得嘅嗟來之食，更加唔係靠一兩個做 leader 就可以得到。實踐自己理念和正義，只有靠自己，唔係靠人哋。能否合作，我唔敢講。至於你問我喺咩派，對唔住，我只代表我自己一個人。爭取香港重新解殖，獨立建國，已經唔再係政治立場，而係唯一生門。

作者：larrylo（本文章由聚言時報授權提供）