不知創作為何物的香港樂壇（占米糕）

我就玩過無數咁多比賽，見盡香港樂壇黑暗史，玩左15年，乜野都睇化晒。最近又參加左一個耶教徒攪既音樂比賽:「貧・著愛」原創歌曲創作比賽。

結果公佈之後，嘩左一聲，冠亞季都係抄襲之作，咁都可以得獎?雖然獎品我唔多稀罕，名利亦一向淡薄，反而會見到咩叫黑暗既樂壇，同埋報名表格入面，佢係可以俾你，你係邊間教會…咁即係...."會員優先得獎囉"或會員係考慮既因素之一囉

自己聽下係抄咩歌啦，抄唔抄普通人都聽得出既話，即係死得啦。

評審有李廷川，柳重言

三首都係抄自柳重言作品，你話幾黑暗呢。

香港人玩音樂真係死得啦，唔好講一班未出名既作曲人，好似雷仲得，伍六成，MR.呢班，都係抄出個名堂來。

咩叫抄歌呢，根據業界規定，melody line多過2個bar相似，即可入罪。當然唔會捉得咁嚴啦，老細話賣得，俾你出，你都唔會ban自己咁戇鳩啦。呢D就係香港樂壇點解死得咁緊要既原因之一。

好似MR.咁，成首無改過，淨係改過中文詞，佢都算夠膽，呢個世界係無巧合。巧合因為你無知。抄歌係打唔甩既。

編曲可以抄，progression都可以抄，曲風可以抄，但melody line一抄即死。當然，同班人講創作都浪費時間啦，最緊要有錢味，快，多人聽既歌。

我地創作一首歌由搵progression到melody到編曲，最少聽過百首歌，再決定會唔會有相似melody，如果似的話，係要掉左佢，當冇作過。呢D就叫創作人既堅持。如果你連自己作既歌被認為似某一首歌，有抄襲成份都唔知，咁即係你聽歌太少，技巧不足，仲學咩人作曲。

抄，都要抄得有技巧。例如:我抄娃娃看天下既編曲，單車既拍子，紅豆既曲風，愛情陷阱既progression，咁樣抄法就無人話你抄歌。呢招日本仔成日用。

抄得好都係一種技巧，抄完無人知咪高手囉，相反，咪好似香港樂壇咁樣衰囉。

最後推下自己歌先啦，唔好話我鳩吹無料到。

創作人應該有骨氣，寧願冇人聽，都唔好抄歌咁Cheap。

作者：占米糕（本文章由聚言時報授權提供）