雖人種不同，但同仇敵慨！（陳假）

香港本地足球人氣低迷多年，當年胡國雄、伊佬嘅風光可謂一去不復返，依家香港人係香港入場睇波真係賣少見少。點知世事難料，近嚟因為鄰國一張充滿挑釁嘅海報，引發起香港足總以一張內容大慨如下嘅海報反擊。

“我地有黑皮膚、白皮膚、 黃皮膚，唔好比人睇死，幫香港出口氣“

有球員豪言落得場就係香港人，為香港而戰。第一場對不丹就出現久違嘅扯紅旗爆滿，結果大勝7：0之後觀眾更加衝去排隊搶購預售對馬爾代夫門券，幾日後又扯紅旗爆埋，港足立時由無人留意變成英雄。

老老實實，我相信撲飛入場嘅人好多平時都無睇開波，點解今次覺得咁熱血去支持港隊呢？講穿咗就係4個字“同仇敵慨“。香港依十幾年受盡大陸欺壓，四權不斷被損害，天價東江水，高鐵、機場第三跑等為大陸而設嘅大白象大花筒工程，一個老點香港人多年嘅假普選大龍鳳，講明有佢講無香港人講，再加上大陸人狂妄自大 ，不可一世，說沒有中国就沒有了香港。作為香港人點可能接受此等屈辱？

今日香港隊受到大陸人侮辱，佢地無好似班賣港賊咁為飯碗媚共擦鞋，反而揚言為香港出一口氣，讓港人感到熱血沸騰，同仇敵慨。今次嘅重點唔只係足球，更關係到香港人嘅尊嚴，依支球隊雖然由不同人種組成，但係就無礙佢地同心協力為香港人嘅尊嚴而戰，對於依一班對香港有貢獻，又唔似班賣港賊咁損害香港嘅人，香港人就係表示衷心支持！無錯，大家要支持香港隊呀！

依種包容先係值得鼓勵，我再講多次，同理心不能包容入侵者，對於略奪資源甚至來港助大共產勢力者，香港就要予以否定，否則等同賣港。

對於噓国歌我贊成架，噓球員就係要俾人睇到對球員嘅不滿，嘘国歌咪係畀全世界睇到香港對鄰国有幾不滿囉，唔通仲要跟住唱、跟著拍手掌、跟著流眼淚呀？我好直線架。

有鄰国人民表示對噓國歌好不滿，心靈受損，想係香港主場對中国嚟香港教訓香港人。嗱，今次香港人就要熱烈歡迎，奉陪到底呀，不過最怕佢唔來啫。