滾雪球大原則(一): 大道至簡

中國道家思想有云「大道至簡」，意思指大道理通常都係是極之簡單的，簡單到一聽就覺得阿媽係女人。故江湖郎中要引人注意，多故弄玄虛，將簡單事情複雜化，所謂「真傳一句話，假傳萬卷書。」的道理所在。

投資其實亦都一樣，可以做到大道至簡O既境界，既易於理解同執行，而且令人晚上訓得安樂，同時亦可滿足合理的回報預期。當然，閣下如果有追尋知識的心、或享受市場大上大落的刺激，則另作別論。

唔知大家又知唔知，被中港台傳媒捧為神級的「股神」巴菲特，佢留比老婆仔女O既遺產投資安排，正正係奉行「大道至簡」O既原則。根據佢2013年年報給股東的信，佢遺產當中的10％將會投資美國短期國債，90％投資極低收費O既S&P 500 指數 (「股神」建議投資Vanguard領航 ETF)，「股神」相信咁O既投資組合，既可以解決大跌市時O既短期現金需要(急住要錢時可沽債套現而無須FIRE SALE股票)，而長遠又可以跑羸大部份投資者。

當然，投資係好個人化O既事情，每個人O既資產/負債情況、家庭負擔、工作穩定性都會影實到際操作上的資產配置比例，但大原則應該棄繁從簡，切忌捨本逐未。 

附: 巴菲特2013年給股東的信
http://www.berkshirehathaway.com/letters/2013ltr.pdf