柳妍熙Shay近期忙於拍攝新的微電影，沒有時間籌備過年，搞到今日年三十，趁除夕最後一擊趕辦年貨，行程相當緊湊。
今日一大清早她即出發到旺角花墟買年花，爽快的她不需20分鐘，火速選購了一棵桃花、兩盆蘭花和一盆桔仔，她興奮說：「我第一次買桃花咋，呢棵係我第一棵桃花，好靚好鍾意，今年嘅年花特別靚，好容易就㨂中靚花，媽咪話年花開得燦爛，今年運勢一定好。」
買桃花是否想新一年有姻緣拍拖？她笑：「桃花唔止旺姻緣，都旺人緣，最好一箭雙鵰，姻緣、人緣都咁旺。」好心急想拍拖呢？她說：「有就當然好，不過姻緣事，好隨緣，要由天安排。」
買完年花，她馬上回家安放好年花後，再趕去買揮春及瓜子糖果，還有要買新衫、新鞋，到街市買碌柚葉今日沖柚葉水，她說：「我好傳統㗎，新年習俗都做足，好忙但好熱鬧，又有氣氛。」
