送馬迎羊！帶來好磁場！

2014的馬年將近完結，係時候醍下，為自己的將來好好plan下，等自己越來越好之外，個世界亦唔好咁多負能量。未開始為羊年打算前，回顧一下馬年先！感恩係我個囝囝健健康康，快樂地成長中。同佢去過Playgroup， 但覺得似我上堂多過佢上堂咁便停左。同父母去左韓國享受美食同做facial，都okay好玩，因為唔使我plan 行程。J 同老公感情仍然好好，都重停留系 “I love you， even though I hate you” 階段。佢又順利轉左去新的division， 做得開心左。姐姐helper又照顧得囝囝好好，我又叫做工作上有新攪作，父母亦身體健康，冇病冇痛。總括來講，一家人，齊齊整整，開心快樂，我本人已經十分感恩。

感恩完馬年，當然要努力發展我的羊年，同更遠的將來！臨過年前，我飛快地用audio book (我第一次聽 audio book， 完來感覺可以咁舒服)  的方法聽完一本書叫The secret (by Rhonda Bryne) 。本書好似心靈雞湯一樣，講感覺，所以每個人睇/聽完感覺可以唔同，當然唔同人生的時期接觸這本書，感覺亦都可以好唔同。但我睇完，這一刻感覺都好深，可能因為這本書係叫人為自己的人生做主，為自己控制美好將來一樣。直接講，即系你想快樂，就不停要制造自己快樂，想有錢就日日都諗自己有錢的生活，想健康，就要覺得自己好健康一樣。因為你不停諗，你就會為自己制造左個磁場去attract 你想擁有的人生。當然唔可以立壞心脹去做人，不能好似風水陳咁，一心貪念，最尾貪念磁場太大，只會影響你的磁場，最尾都係害人終害已。

因為制做一個好的磁場，相對來講比年年考第一容易，所以未睇完本書，我已經日日同自己講，我要為自己制造一個positive 的磁場。所以，當我老公個樣突然之間好討厭、我阿媽講嘢語氣唔好、做事唔順的時候，我會同自己講，我自己個樣有時都面目可憎，但我老公冇嘔到，所以我系唔應該討厭佢突然樣衰的。 我阿媽語氣唔好，係我諗啫，一隻手拍唔響，無理由我一路態度好好，我阿媽都會句句話我咁變態袈嘛。之於做事順利點，我米冇生意時裝備自己囉，等我一有得忙時，可以事事順利。總知就係感恩我所擁有的，制造一個好的將來！

祝大家羊年個個開心，身體健康，事事順利！