【食譜】薑檸茶

依家嘅天氣真係時冷時熱，攪到流感肆虐，為左要增強抵抗能力同埋保暖身體，最好就係飲一杯檸檬薑茶啦~

依個薑檸茶真係超簡單，幾片檸檬、變片薑片同少少片糖(我今次用庶糖， 可以改用片糖..黑糖都得)~

首先準備三片檸檬~

之後準備薑片，由於薑大部份營養都啲皮度，所以如果批皮就浪費了。而且薑皮屬涼性，薑肉屬燥熱，吃多了薑肉容易燥火，所以連皮一齊煮就可以中和，所以只需用水洗乾淨薑皮，然後拍扁就得啦~

將一碗半水放入煲內滾水~

然後加入薑片同片糖，待水滾後再轉慢火煮15分鐘(由於我鐘意飲薑辣辣地嘅感覺，所以我落多左少少薑，正常的話3片就足夠啦)~

最後加入3片檸檬再滾多1分鐘~

煲好啦....一定要趁熱飲呀~

可能我都一向鐘意飲薑茶，所以今次加左檸檬，個味道又真係唔錯，飲完之後成身都暖笠笠，而且多飲檸檬又可以增強抵抗能，加上成個過程都只係需要大約20分鐘，所以有時間都要煲嚟飲，暖下個身都好呀 ！