喜氣洋洋遊樂園

今日大肥豬有節目， 所以我地兩母子就去拍拖拖去街街！前幾日見有朋友仔係銅鑼灣影左啲好靚嘅羊駝公仔， 見出開嚟當然唔執輸又影下啦~

哈哈哈...其實我之前都唔識Alpacasso， 如果唔係好姊妹糖糖話我知， 我都唔知依隻公仔就係叫做羊駝， 不過睇睇下Alpacasso又真係幾可愛哦！

可能今日係星期日關係， 依個小小嘅佈置大堂都幾多人(特別多外傭姐姐)， 所以同每一個小羊駝影都要排幾個人先影到. 不過有部分外傭姐姐好好人， 見我拖住小小豬， 都主動俾我影先， 仲主動幫我同小小豬影合照添~

哈哈哈...超鐘意依個韆秋位， 最衰影依個位時周圍冇有善的人， 所以同唔到小小豬影合照， 真係有少少望呀~

雖然佈置地方都唔算大， 不過我覺得Alpacasso真係幾靚， 所以大家如果途經皇室堡都可以影返轉呀！