由吳綺莉及徐駿楠主持的《越界傾情》上星期請來林奕匡接受訪問。以下為訪問內容及相片重溫：
主持駿楠認為林奕匡個人咁單純，問佢係娛樂圈會否適應唔到？林奕匡話：「入行有人話我好似天跌落黎嘅綿羊仔，但我認為自己唔會係俾狼群食嘅羊囉！」雖然林奕匡講到咁堅強，但佢都有提及一次在香港喊的經歷。原因是因為有一次去上跳舞堂需要轉時間，已同老闆娘講好，但去到個人地話無咁嘅事仲要加錢，之後更加不斷地比佢鬧。
林奕匡提到未紅時曾遭人白眼，被問到會否再見到以前對佢白眼嘅人，依家又有無好現實嘅人痴埋黎，林奕匡話呢排真係見多左呢類人，有些多年無搵過佢嘅朋友會突然主動聯絡，但佢認為真正嘅朋友應該係陪你經歷過低谷嘅人。
主持問林奕匡點解同拍拖七年半女友仲未結婚，佢指未有計劃，而且女友都未認為是定下來嘅時候，但佢好慶幸女友一直以來都好支持自己，在歌曲上亦有俾意見佢。林奕匡話最欣賞女友又靚又聰明，大家都愛音樂，最巧合是雙方家庭竟然都住同一條街，兩家人關係相當好。
林奕匡話〈高山低谷〉帶左好多意想不到嘅嘢比佢，當中有好多幸運原素，但佢話一定唔會寫多首同〈高山低谷〉差不多嘅歌，要寫一定寫比呢首更好嘅。主持駿楠問到佢有邊位偶像想效法，佢認為是方大同，因為佢覺得唱好歌、作好歌係可以令香港樂壇層次提升。
