休館多時的海洋公園日前終於重開，香港開電視4位藝員: 李尚正、鄺芷凡、盧頌恩和植詠珊急不及待約埋入園玩個痛快，唔玩唔知真性情，原來最玩得的係外表柔弱的鄺芷凡﹗

鄺芷凡和李尚正,盧頌恩分別玩機動遊戲翻天覆地和雷霆節拍，鄺芷凡玩完又玩完全面不改容，她得戚地對住感覺有點作嘔的李尚正笑道：「後生，就係咁架啦！阿正，乜你想嘔咩?」李尚正苦笑說：「可能我早餐食得太飽﹗」

至於植詠珊就最唔玩得，她解釋說：「我好易頭暈，以前做咗半年空姐就劈炮，都係因為易暈之嘛！果個，我企喺度睇住佢係咁轉已經頭暈啦，要我坐上去真係咪搞!」

玩完機動遊戲，一行4人還參觀北極館欣賞斑海豹，原來斑海豹個個都有名字，懂得聽飼養員叫名，無厘正經的李尚正即時向斑海豹大叫盧頌恩的暱稱:「妹頭﹗」令盧頌恩為之氣結。