歌手蘇慧恩(Ophelia) 為頸部智能按摩器拍攝廣告,廣告內更與貌似棒棒堂組合敖犬的男模特兒一起拍攝,Ophelia表示:「響拍攝之前一晚海南有通宵通告,之後瞓得兩個鐘就要起身搭飛機,飛番深圳拍攝按摩器廣告,搞到體力不支,影影下暈,望啲嘢又黑又白,好彩化妝師即刻扶住我,今次呢個按摩器好啱我用呀,因為好多時由朝到晚都要外出工作,有陣時真係連續幾日不停做,每日只係瞓得幾個鐘,好多時做到腰酸背痛,尤其係膊頭同條頸成日都好酸軟,呢個按摩器夠晒輕便,個設計又夠潮,帶出街隨時隨地可以放喺條頸度按摩,佢個外型好似耳機,所以一路按摩,一路響條街度行都唔會覺得奇怪!」


被問及與模特兒拍攝會不會緊張,Ophelia表示男模特兒仲怕羞過我:「一見到男模特兒,我就好主動同佢講覺得佢好似棒棒堂裏面嘅敖犬一樣咁靚仔,因為以前都好留意敖犬嘅娛樂消息,同佢拍攝嘅時候,可能我對佢太熱情,佢就好怕羞,連搭住我膊頭同埋正面望住我,佢都好似有啲緊張。」


 蘇慧恩拍按摩器廣告 覺得似耳機可以邊行邊按

 https://www.facebook.com/starshk