【光煇圍必食】隱藏版漢堡最過癮 @嘉寶小食

朋友W推介:「葵涌有間新開小店好好食！！」， 同時傳來一張超正漢堡包相片， 嘩！！ 即時有心跳加速的感覺. 不用多說， 今晚任務: 《光煇圍嘆漢堡！！》

因為去年11月， 759茶餐廳開業， 我們來過一次光煇圍， 嘉寶小食就在一個公園仔之隔， 嘉寶大廈旁邊， 一點也不難找.

一間本來普普通通的快餐店， 卻正播著《Carlifornia Dreaming》...忽然勾起我當年最愛「重慶森林」的《午夜特快》感覺. (當然， 今晚沒有王菲， 手持不銹鋼鉗在起舞呵！！)

入座後我向員工Oliver查詢推介食品， 他熱情的介紹:「蜜糖芥末菠蘿豬堡， 炸雞髀， 炸鴨髀， 仲有一個Menu無嘅隱藏素漢堡... 」

齋漢堡包？？炸鴨髀？？ 食指忽然大動， 由於當時未有其他食客， Oliver更答我給我到廚房拍攝.

他們的食物全部即叫即制， 就連薯條也是， 婷婷是Oliver姐姐， 「嘉寶」是她與男朋友阿鎧， 及另一拍檔三人頂手而來的.

我問婷婷在那裡學懂煮食呢？ 常常笑不停的她說:「全部都係我男朋友教我， 佢十幾年前自己搬出嚟住， 之後就成日買啲好似聖經咁厚嘅英文煮食書嚟研究， 佢真係好鍾意煮嘢食...」

原來阿鎧早前曾經和朋友， 於上環合資一間意大利餐廳， 不過因為大廚問題， 被迫結業. 一個月前這裡開業， 因為三位股東也有正職， 所以就請了Oliver來快餐店全職幫手.

轉眼間我雙髀出場了， 賣相我覺得傳統雞髀靚好多.

晚上8點， 又有客人來點炸髀， 不過全店最後一對髀也給了我們.

Oliver:「腌唔切呀！ 因為我哋要腌24小時， 聽日先再有髀補充」， 這裡的炸髀好入味， 不過雞髀較鴨髀出色， 可能鴨髀我還是吃慣燒味店的味道， 先入為主吧！

之後便是薯條， 本來想點薯格， 但Oliver表示， 美國罷工， 所以被迫停賣，

我建議如果賣扭扭薯條， 更加配合快餐小店的風格， Oliver解釋:「這款麥記薯條炸兩分鐘， 扭扭要炸3分半鐘， 我哋怕客人等得太耐...」

我其實不怕等， 只要好食的話， 不過， 原來薯條點她們自家制的蛋黃醬， 超好味道， 感覺似食西瓜灑鹽， 味道更出更甜一樣.

主角漢堡包最終登場， 嘉寶的包， 我見我落單後， 先會放入多士爐烤熱， 微脆的外層， 加上蛋黃醬與芝士溶入包內， 所以連包都有感覺.

超大塊的菠蘿伴蜜糖配豬扒， 就算大大舊肉， 因為有生菜， 蕃茄加菠蘿， 即時為你中和， 食這個漢堡可以用兩個字完美形容:「好過癮」

至於我最最最期待的隱藏版素漢堡， 由Oliver最後端上枱， 這簡直是一個完全沒有罪惡感的天使漢堡包.

兩大片厚菠蘿， 再加入蕃茄， 蛋黃醬及芝士， 清新得開朗， 十足十《四個女仔三個BAR》中的何雁詩， 感覺徹底彈出， 味道可以用可愛來形容.

其時， 阿鎧放工趕來幫手， 可能他見女友太辛苦， 一回來即時入廚房協助， 御拍拖於工作， 場面溫馨.

拍拖7年半的一對小情人， 視「嘉寶小食」為愛情結晶品， 縱使困身也做得開心， 「暫時第一關希望做到收支平衡先， 雖然放咗工， 再要返嚟繼續做係辛苦， 不過自己理想麻」

究竟識煮食的男人是否很得女性喜愛呢？ 婷婷笑不停答:「哈哈...我唔係鍾意佢煮野食叻喎...哈哈哈..鍾意…佢勤力！！ 老實， 有責任感囉...哈哈哈」(不好意思， 令到廚房這一刻有點甜蜜的尷尬)

充滿理想， 很有感覺的一間地區小店， 今晚過了一個好開心的一小時. 祝愈做愈好， 下次來再創作多款隱藏版新口味吧！